წლის შეჯამება

2025 წელი საქართველოს ვირტუალური ზონის კომპანიებისა და ქვეყნის IT სექტორისთვის მთლიანობაში თანმიმდევრული და სტაბილური იყო, თუმცა გვქონდა  მნიშვნელოვანი სიახლეებიც.

საკანონმდებლო ცვლილებებისა და ქვეყნის  ეკონომიკაში ტექნოლოგიების მზარდი როლის ფონზე, საქართველოს ვირტუალური ზონის პირთა ასოციაციამ გააძლიერა საქმიანობა სამი სტრატეგიული მიმართულებით: მარეგულირებელი კანონმდებლობის სიცხადის უზრუნველყოფა, პარტნიორობების გაფართოება და VZP სექტორის, როგორც ეკონომიკისთვის მნიშვნელოვანი მამოძრავებელი ძალის, პოზიციის გამყარება.

IT ინდუსტრიამ 2025 წელს გააგრძელა  დინამიურად ზრდის დემონსტრირება, რითაც კიდევ უფრო განიმტკიცა თავისი სტატუსი, როგორც საქართველოს ეკონომიკის ერთ-ერთმა ყველაზე მნიშვნელოვანმა და მზარდმა სექტორმა. ვირტუალური ზონის სტატუსის მქონე კომპანიები, მათი ექსპორტზე ორიენტირებული საქმიანობისა და IT პროდუქტების განვითარების შედეგად, კვლავ რჩებიან საქართველოს ექსპორტზე დაფუძნებული IT ეკოსისტემის ერთ-ერთ ძირითად სეგმენტად.

2025 წლის განმავლობაში ასოციაციამ მნიშვნელოვან შედეგებს მიაღწია

• უზრუნველყო ახალი რეგულაციების პრაქტიკული განმარტება, მათ შორის: საგადასახადო დაბეგვრის წესები, IT რეზიდენტობა, შრომითი მიგრაციის მოთხოვნები, ბინადრობის ნებართვების სიახლეები, ასევე არარეზიდენტებისთვის ბიომეტრიული სტანდარტები;

• მომზადდა ანალიტიკური მასალები და პრაქტიკული გზამკვლევები ვადის გადაცილების სანქციებისა და შრომითი მიგრაციის კანონის შესახებ, რომელიც ძალაში 2026 წელს შევა;

• პარტნიორებთან თანამშრომლობით ჩატარდა პრაქტიკაზე ორიენტირებული ვებინარების სერია, რაც უზრუნველყოფდა წევრებისთვის ექსპერტულ რჩევებზე პირდაპირ წვდომას;

• გაძლიერდა საერთაშორისო ჩართულობა, პარტნიორ ასოციაციების დარგობრივ კომიტეტებში და პარტნიორებთან ბიზნესშეხვედრებში მონაწილეობის გზით;

• ასოციაცია აქტიურად იცავდა და წარმოადგენდა სექტორის ინტერესებს ბიზნესმედიაში, ხაზგასმით უსვამდა IT ინდუსტრიისა და ვირტუალური ზონის სტატუსის მქონე კომპანიების მნიშვნელოვან როლს საქართველოს ეკონომიკურ განვითარებაში.

ასოციაციამ კიდევ ერთხელ დაადასტურა თავისი მნიშვნელოვანი  როლი აიტი ეკოსისტემის ფორმირებაში — როგორც პლატფორმა, რომელიც აერთიანებს IT კომპანიებს, ექსპერტებს, სახელმწიფო ინსტიტუტებსა და საერთაშორისო პარტნიორებს, და ასოციაცია, რომელიც ადვოკატირებს  ვირტუალური ზონის კომპანიების ინტერესებს.

ჩვენი პრიორიტეტი უცვლელია — საქართველოში IT ბიზნესის განვითარებისათვის სტაბილური, გამჭვირვალე და ხელსაყრელი გარემოს შექმნა, ინფორმაციის, იურიდიული მხარდაჭერისა და განვითარების ინსტრუმენტებზე ხელმისაწვდომობის უზრუნველყოფით.

წლის დეტალური მიმოხილვა, ძირითადი ეტაპები და 2026 წლის სტრატეგიული პრიორიტეტები წარმოდგენილია ქვემოთ მოცემულ სრულ პრეზენტაციაში.