ასოციაციის ახალი პარტნიორი — FCHAIN

ვირტუალური ზონის რეჟიმში მოქმედი IT კომპანიები საერთაშორისო ბაზრებზე აქტიურად ფართოვდებიან, რაც მათ წინაშე აყენებს პრაქტიკულ გამოწვევებს — საერთაშორისო ოპერაციები, დისტანციურად განაწილებული გუნდები, უცხოელი თანამშრომლების აყვანა, ბუღალტრული აღრიცხვა, შესაბამისობის მოთხოვნები და სხვადასხვა იურისდიქციაში მოქმედი საგადასახადო წესები. ამ საკითხების სწორად მართვა მოითხოვს კვალიფიციურ ფინანსურ, საბუღალტრო და იურიდიულ მხარდაჭერას — პროფესიონალებისგან, რომლებსაც კარგად ესმით როგორც ვირტუალური ზონის შესაძლებლობები, ისე საერთაშორისო ოპერირების პრაქტიკული სპეციფიკა.

ამ ფონზე, საქართველოს ვირტუალური ზონის პირთა ასოციაციამ თანამშრომლობის მემორანდუმი გააფორმა FCHAIN-თან — საერთაშორისო კომპანიასთან, რომელიც საერთაშორისო ბიზნესებისთვის ფინანსურ, HR და ბიზნესის მხარდაჭერის სერვისებს უზრუნველყოფს.

2002 წელს დაფუძნებული FCHAIN 20-ზე მეტ ქვეყანაში, მათ შორის საქართველოში, ოპერირებს. კომპანია საერთაშორისო ბიზნესებს სთავაზობს საბუღალტრო მომსახურებას, საერთაშორისო HR მხარდაჭერას, Employer of Record (EOR) სერვისებს, საგადასახადო კონსულტაციასა და ოპერაციულ ბიზნესმხარდაჭერას.

ვირტუალური ზონის კომპანიებისთვის განსაკუთრებით აქტუალურია Employer of Record (EOR) და საერთაშორისო დისტანციური პერსონალის აყვანა — რაც საშუალებას იძლევა სხვადასხვა იურისდიქციაში სპეციალისტების აყვანა და საერთაშორისო გუნდების მართვა მოხდეს თითოეულ ქვეყანაში იურიდიული პირის შექმნის გარეშე.

საერთაშორისო საგადასახადო და საბუღალტრო მხარდაჭერა — ფინანსური ანგარიშგებისა და ბუღალტრული პროცესების მართვა სხვადასხვა იურისდიქციის მოთხოვნების შესაბამისად.

საერთაშორისო მოთხოვნების შესაბამისობა — მარეგულირებელ მოთხოვნებთან შესაბამისობის უზრუნველყოფა და საერთაშორისო ოპერაციებთან დაკავშირებული რისკების ეფექტური შემცირება.

ასოციაციისთვის FCHAIN-თან პარტნიორობა განსაკუთრებით მნიშვნელოვანია, რადგან კომპანია გლობალურად მოქმედ ტექნოლოგიურ ბიზნესებს, მათ შორის საქართველოს ვირტუალური ზონის სტატუსის მქონე კომპანიებს, სთავაზობს მნიშვნელოვან საერთაშორისო გამოცდილებასა და პრაქტიკულ მხარდაჭერას.

პარტნიორობის მიზანია ასოციაციის წევრებისთვის საერთაშორისო ოპერაციებსა და ბიზნესის განვითარებაში პრაქტიკული გამოცდილებისა და მხარდაჭერის უზრუნველყოფა. ამასთან, წევრებისთვის გათვალისწინებულია სპეციალური პარტნიორული პირობები და დამატებითი შეღავათები.

ასოციაცია აგრძელებს პროფესიული პარტნიორების კავშირების გაფართოებას, რათა ვირტუალური ზონის კომპანიებმა მიიღონ წვდომა არა მხოლოდ საინფორმაციო და იურიდიულ მხარდაჭერაზე, არამედ სპეციალიზებულ საერთაშორისო სერვისებსა და პრაქტიკულ ექსპერტიზაზეც.

მეტი ინფორმაცია FCHAIN-ის შესახებ