მიღწევების ორი წელი

თებერვალში საქართველოს ვირტუალური ზონის პირთა ასოციაციის ორი წლის იუბილეს ავღნიშნავთ. ბოლო წლებში ასოციაციამ გადამწყვეტი როლი ითამაშა ვირტუალური ზონის სტატუსის მქონე კომპანიების ინტერესების დაცვაში, ხელსაყრელი ბიზნეს გარემოს ხელშეწყობაში, ინფორმაციული ტექნოლოგიების სფეროში გამჭვირვალე კანონმდებლობის ადვოკატირებაში, ურყევი ერთგულების დემონსტრირებაში და მისი წევრებისთვის სასურველი შედეგების მიღწევაში.

გადავხედოთ ასოციაციის წარმატებებსა და ნაბიჯებს:

მკაფიო რეგულაციები და კანონმდებლობის გამჭვირვალობა

ასოციაციის მთავარი მიზანი ვირტუალური ზონის კომპანიებისთვის რეგულაციებიის მკაფიოობა და საკანონმდებლო გამჭვირვალობაა. სახელმწიფო უწყებებთან და საკანონმდებლო ორგანოებთან სტრატეგიული თანამშრომლობით ასოციაცია მხარს უჭერს ინიციატივებს, რომლებიც მიზნად ისახავს IT კომპანიებისთვის ხელსაყრელი ბიზნეს გარემოს შექმნას. თემატურმა შეხვედრებმა, საკანონმდებლო წინადადებებმა და მთავრობის წარმომადგენლებთან მუდმივმა დიალოგმა ხელი შეუწყო საგადასახადო და მარეგულირებელ პოლიტიკაში პოზიტიური ცვლილებების მიღწევას.  თუმცა, ასოციაცია ჯერ კიდევ საბოლოო შედეგის მიღწევის პროცესშია.

ასოციაციის დაჟინებულმა მიმართვებმა სახელმწიფო უწყებებისადმი, შესაძლებელი გახადა მეთოდური მითითებების შეცვლა, რადგან არამკაფიოობა კანონის ინტერპრეტაციის საშუალებას იძლეოდა. მეთოდური მითითებების განმარტებამ და სიცხადემ ჯარიმების მოხსნის და შემცირების შესაძლებლობა გააჩინა არა მხოლოდ ასოციაციის წევრებისთვის, არამედ  ვირტუალური ზონის სტატუსის მქონე კომპანიებისთვის.

ვირტუალური ზონის პირების გაძლიერება

ასოციაციის ერთ-ერთი ყველაზე მნიშვნელოვანი მიღწევა არის ვირტუალური ზონის პირების მუდმივი მხარდაჭერა საგადასახადო დავებთან დაკავშირებით.

 ერთობლივი ძალისხმევით, იურიდიულ და აუდიტორ პარტნიორებთან თანამშრომლობით, ასოციაციამ წარმატებით გადალახა რთული საგადასახადო ბარიერები, რის შედეგადაც მრავალი წევრი კომპანიისთვის ჯარიმები გაუქმდა ან შემცირდა. ეს მხარდაჭერა არა მხოლოდ ამსუბუქებს ფინანსურ ტვირთს, არამედ აძლიერებს ნდობას ბიზნეს საზოგადოებაში.

სტრატეგიული პარტნიორობა

ასოციაციის ერთგულება საუკეთესო საერთაშორისო პრაქტიკისა და სტანდარტებისადმი განმტკიცებულია მისი სტრატეგიული პარტნიორობით ისეთ ორგანიზაციებთან, როგორიცაა ევროკავშირის დელეგაცია საქართველოში, საქართველოს ევროპული ბიზნეს ასოციაცია, ევროპის ეკონომიკური თანამშრომლობის პლატფორმა და სხვა.  ამ თანამშრომლობამ არა მხოლოდ გააძლიერა ასოციაციის ძალისხმევა, არამედ ხელი შეუწყო ფასდაუდებელ რესურსებსა და გამოცდილებაზე წვდომას.

მედიის ჩართულობა და საზოგადოების ინფორმირებულობა

ასოციაციამ ეფექტურად გამოიყენა მედია პლატფორმები ვირტუალური ზონის სტატუსის მქონე კომპანიების წინაშე არსებული გამოწვევებისა და შესაძლებლობების შესახებ ცნობიერების ამაღლების მიზნით. სატელევიზიო გადაცემებში გამოსვლებით და ბიზნეს ფორუმებში მონაწილეობით, ასოციაციამ მიიპყრო ფართო ყურადღება დაბეგვრის, რეგულაციების დაცვისა და უცხოელი ინვესტორების უფლებებთან დაკავშირებულ საკითხებზე. მედია გაშუქება იყო უმნიშვნელოვანესი ფაქტორი ევროპული ორგანიზაციების, საქართველოს ბიზნეს ომბუდსმენის მხარდაჭერის მოსაპოვებლად და ასოციაციის ძალისხმევის გაძლიერებისთვის როგორც ადგილობრივ, ისე საერთაშორისო პლატფორმებზე.

სტრატეგიული ინიციატივები 2024 წლისთვის

საქმიანობის მესამე წელს, ასოციაცია მტკიცედ რჩება ერთგული, დაიცვას ვირტუალური ზონის კომპანიების ინტერესები და წაახალისოს პოზიტიური ცვლილებები და ინიციატივები IT ინდუსტრიაში. 2024 წლის სტრატეგიული ინიციატივები მოიცავს კანონშემოქმედებით პროცესს, სამთავრობო უწყებებთან დიალოგის გაგრძელებას და გამჭვირვალობისა და ანგარიშვალდებულების უზრუნველსაყოფად მუდმივ ძალისხმევას. პროფესიონალიზმით და თანამშრომლობით ასოციაცია მზად არის საქართველოს IT სექტორის ზრდისა და განვითარების მხარდაჭერად.

აღსანიშნავია, რომ პარლამენტმა გამოთქვა სურვილი ითანამშრომლოს ასოციაციასთან, რათა გაითვალისწინოს მისი აზრი აღნიშნულ საკითხთან დაკავშირებით. ასოციაცია ამჟამად მუშაობს საკანონმდებლო ინიციატივაზე და ეს არის უმთავრესი მიზანი – რადგან არცერთი მეთოდური მითითება არ იძლევა გარანტიას, რომ მომავალში ვირტუალური ზონის პირებისათვის არ მოხდება არასასურველი ცვლილება. მხოლოდ მკაფიო კანონს შეუძლია სტაბილურობის უზრუნველყოფა, რის მიღწევასაც ასოციაცია ცდილობს.

ასოციაცია მუდმივ კონტაქტშია თავის წევრებთან და ვირტუალური ზონის პირის სტატუსის მქონე კომპანიებთან, რათა არ დარჩეს საქმის რაიმე ნიუანსი გაუთვალისწინებელი. ის მზადაა მიიღოს უკუკავშირი და გაითვალისწინოს ყველა პრობლემა და დაამუშავოს ისინი ინიციატივების მომზადებისას.

საქართველოს ვირტუალური ზონის პირთა ასოციაციამ პირველი ორი წლის განმავლობაში მნიშვნელოვანი ნაბიჯები გადადგა, აჩვენა ურყევი ერთგულება თავისი მიზნებისადმი და მიაღწია სასურველ შედეგებს მისი წევრებისთვის. როდესაც ჩვენ აღვნიშნავთ ამ ეტაპს, მოდით აღვნიშნოთ ჩვენი ერთობლივი მიღწევები და კიდევ ერთხელ დავადასტუროთ ჩვენი ვალდებულება და მზადყოფნა ვირტუალური ზონის სტატუსის მქონე კომპანიების ინტერესების წინსვლისთვის საქართველოში და მის ფარგლებს გარეთ.