საქართველოს ვირტუალური ზონის პირთა ასოციაციამ მონაწილეობა მიიღო AmCham და EBA-ს ერთობლივ შეხვედრაში

საქართველოს ვირტუალური ზონის პირთა ასოციაციამ მონაწილეობა მიიღო ამერიკის სავაჭრო პალატის (AmCham) და ევროპული ბიზნეს ასოციაციის (EBA) მიერ ორგანიზებულ ერთობლივ შეხვედრაში. ამ მნიშვნელოვანმა ღონისძიებამ გააერთიანა ბიზნესის, ევროპული საელჩოების, საერთაშორისო ორგანიზაციებისა და ფინანსური ინსტიტუტების წარმომადგენლები, რათა განეხილათ საქართველოს წინაშე არსებული მიმდინარე  გამოწვევები და სამომავლო განვითარების გზები.

ევროკავშირის ელჩმა საქართველოში, ბატონმა პაველ ჰერჩინსკიმ თავის გამოსვლაში ხაზი გაუსვა ქართული ბიზნეს სექტორის პოზიციის მნიშვნელობას ევროპული ინსტიტუტებისთვის. მან გამოხატა ბიზნეს საზოგადოების შეშფოთება მიმდინარე ვითარების გამო და მოუწოდა მხარეებს სტაბილიზაციისა და კონსტრუქციული დიალოგისკენ.

როგორც სექტორული ასოციაცია, ჩვენ მუდმივად აქტიურად წარმოვადგენთ ჩვენი წევრების ინტერესებს. მტკიცედ გვწამს, რომ სტაბილურობა კრიტიკულად მნიშვნელოვანია დამატებითი ინვესტიციების მოზიდვისა და IT სექტორის ზრდის ხელშეწყობისთვის.

საქართველოს ვირტუალური ზონის პირთა ასოციაციის სახელით, ხაზგასმით ვაცხადებთ, რომ საქართველოში ბიზნესის განვითარება და ევროპელ პარტნიორებთან კავშირების გაძლიერება არის მდგრადი ეკონომიკური ზრდის საფუძველის და ჩვენს ურყევ პრიორიტედად რჩება ევროპის თანამეგობრობაში ინტეგრაცია. ასოციაცია ღიაა თანამშრომლობისთვის ყველა მხარესთან საქართველოს IT სექტორის ინტერესების საკეთილდღეოდ.