ასოციაციამ განიხილა IT ინდუსტრიის გარშემო არსებული საკითხები FIT-ისა და Hub.Brussels-ის მიერ გამართულ შეხვედრაზე

საქართველოს ვირტუალური ზონის პირთა ასოციაციის თავმჯდომარე შორენა კოპალეიშვილი მიწვეული იყო ევროპული ეკონომიკური თანამშრომლობის პლატფორმის (EECP-ის) პარტნიორების, ბელგიის სავაჭრო სააგენტოების: Flanders Investment and Trade (FIT) და Hub.Brussels-ის მიერ ორგანიზებულ მიღებაზე, რომელიც  23 ნოემბერს შედგა. შეხვედრის მთავარ თემას წარმოადგენდა საქართველოში ევროპული პარტნიორობის შექმნა და ბიზნესის ხელშეწყობა. შეხვედრას ესწრებოდნენ სხვადასხვა ბიზნეს სექტორისა და ასოციაციის წარმომადგენლები. მისიის ხელმძღვანელის მოადგილემ ქ-ნ ტინეკე ევერაერტმა და ბელგიის საპატიო კონსულმა თბილისში, ბ-ნ ჯონ ბრეიკველდტმა უმასპინძლეს სტუმრებს.

შორენა კოპალეიშვილმა ისარგებლა შემთხვევით და სტუმრებს და შეხვედრის ორგანიზატორებს გააცნო VZP კომპანიების გარშემო არსებული ვითარება, საქართველოში IT ინდუსტრიის განვითარება, პერსპექტივები და გამოწვევები.