ასოციაცია, როგორც EECP-ის წევრი, ხვდება ევროკავშირის ელჩს

2022 წლის 28 ოქტომბერს, ევროპული ეკონომიკური თანამშრომლობის პლატფორმის (EECP) წევრები, ურთიერთობების გაღრმავებისა და მოსაზრებების გაცვლის მიზნით შეხვდნენ ევროკავშირის ელჩს, პაველ ჰერჩინსკის და ევროპის საინვესტიციო ბანკის რეგიონული წარმომადგენლობის ხელმძღვანელს საქართველოში, მაჩიე ჩურას.

EECP ხელს უწყობს ღია და ინკლუზიური ევროპული ეკონომიკური თანამშრომლობის პლატფორმას, რათა უფრო აქტიური იყოს ჩართულობა ევროკავშირსა და საქართველოს შორის საქმიანი ურთიერთობების გაძლიერებაში, განსაკუთრებით ბიზნესისთვის დაბრკოლებების აღმოფხვრაში.

ვინაიდან საქართველოს ვირტუალური ზონის პირთა ასოციაცია EECP პლატფორმის წევრია, ასოციაციის თავმჯდომარე შორენა კოპალეიშვილი მიწვეული იყო EECP-ის პირველ ღონისძიებაზე, სადაც განიხილეს ბიზნესის საჭიროებები და მათ წინაშე არსებული გამოწვევები. შეხვედრის მონაწილეები შეთანხმდნენ თანამშრომლობის კიდევ უფრო გაძლიერებასა და გაღრმავებაზე. ასოციაცია კვლავ აგრძელებს წევრების ინტერესების ლობირებას, ამიტომაც შეხვედრაზე ასოციაციის თავმჯდომარემ კიდევ ერთხელ გაამახვილა ყურადღება ევროპელ პარტნიორებთან VZP კომპანიების გამოწვევების შესახებ. Შორენა კოპალეივილმა  ელჩს ასოციაციის მიზნები და პრობლემები გააცნო. ელჩმა კი, თავის მხრივ  გამოთქვა სურვილი და მზადყოფნა შეასრულოსშუამავალის როლი ბიზნესსა და სახელმწიფოს შორის. ასევე დაინტერესდა იმის შესახებ, თუ ვინ როგორ აწარმოებს ბიზნესს და  რა დაბრკოლებებს აწყდებიან ისინი.

შეხვედრა ევროკავშირის მიერ მხარდაჭერილი პროექტის „ევროპული ბიზნესისა და ეკონომიკური ინტერესების ხელშეწყობა საქართველოში“ ფარგლებში გაიმართა.