ევროპული ბიზნეს ასოციაციის (EBA) იურიდიული კომიტეტის შეხვედრა ფოკუსირებული იყო ბიზნეს სექტორისთვის მნიშვნელოვან საკითხებზე

ევროპული ბიზნეს ასოციაციის (EBA) იურიდიული კომიტეტის წევრები და პარტნიორები შეიკრიბნენ USAID-ის ეროვნული მმართველობის პროგრამის ოფისში, რათა განეხილათ საქართველოში ბიზნეს სექტორთან დაკავშირებული მნიშვნელოვანი საკითხები.  შეხვედრაზე მნიშვნელოვანი დისკუსია გაიმართა და ხაზი გაესვა საჯარო და კერძო სექტორის ეფექტური თანამშრომლობის მნიშვნელობას.

ამ შეხვედრაში აქტიურად მონაწილეობდა საქართველოს ვირტუალური ზონის პირთა ასოციაცია. საჯარო-კერძო დიალოგის ფარგლებში, ასოციაციამ დამსწრე აუდიტორიას გააცნო თავისი გამოცდილება და ხაზი გაუსვა ამ პროცესში პარტნიორების, დარგობრივი ასოციაციებისა და კერძო სექტორის ჩართულობის დიდ როლს. ასოციაციის ისტორია მოიცავს ნაყოფიერ თანამშრომლობას პარლამენტთან, ბიზნესომბუდსმენთან და ფინანსთა სამინისტროს წარმომადგენლებთან. ეს ძალისხმევა კარგად სტრუქტურირებული საჯარო და კერძო სექტორის დიალოგის პროცესის მაგალითია, რამაც მნიშვნელოვანი მიღწევები მოიტანა, მათ შორის ასოციაციის წევრებზე დაკისრებული ჯარიმების მოხსნა, რაც უზრუნველყოფს ასოციაციის მუდმივ სტაბილურობასა და გამართულ მუშაობას. დისკუსიის ფარგლეში ასოციაციის გამოცდილება წარმატებულ შემთხვევად იქნა დასახელებული.

ღონისძიებაზე მოხსენებით გამოვიდა USAID-ის ეროვნული მმართველობის პროგრამის პარტიის ხელმძღვანელი რიჩარდ ჰესელვუდი; ტაილერ გრინი, USAID-ის დემოკრატიისა და მმართველობის სპეციალისტი; და EBA-ს იურიდიული კომიტეტის თავმჯდომარე, დოქტორი გიორგი სვანაძე. მათ ხაზი გაუსვეს მდგრადი ეკონომიკური განვითარების ხელშეწყობისთვის მმართველობის ჩარჩოს ბიზნესის საჭიროებებთან შესაბამისობაში მოყვანის მნიშვნელობას.

დამსწრეები, ასევე, გაეცნენ საჯარო და კერძო სექტორთა დიალოგის (PPD) ანგარიშს, რომელიც წარადგინეს ეროვნული მმართველობის პროგრამის წევრებმა ნანა ცერცვაძემ და ქეთევან ბაბიაშვილმა. ანგარიშში წარმოდგენილი იყო შეხედულებები და რეკომენდაციები საჯარო და კერძო სექტორებს შორის თანამშრომლობის გაღრმავებისთვის.

სესია დასრულდა კითხვა-პასუხით და ღია დისკუსიით, რომელსაც უძღვებოდა USAID-ის ბიზნეს ჩართულობის სპეციალისტი ნინი ფანჯიკიძე, რომელმაც მონაწილეებს საშუალება მისცა გამოეყენებინათ შესაძლებლობა შეხებოდნენ არსებულ გამოწვევებს და გაეცვალათ იდეები საქართველოში ბიზნესგარემოს შემდგომი გაუმჯობესებისთვის.