ინდუსტრიული სტანდარტების გაძლიერება: დეტალები USAID-ის რეგულირების ზეგავლენის შეფასების (RIA) ტრენინგიდან
USAID-ის საჯარო მმართველობის პროგრამამ უმასპინძლა რეგულირების ზეგავლენის შეფასების (RIA) ორდღიან ტრენინგს, რომელიც ეყრდნობა პოლიტიკისა და რეგულაციების ეფექტური განვითარებისათვის საჭირო მეთოდოლოგიებს. ეს ღონისძიება მოიცავდა საქართველოში RIA-ს პროცესზე სრულყოფილ რეკომენდაციებს, რაც განსაზღვრულია 35-ე დადგენილების ფარგლებში, და მიმართული იყო რეგულირების საკითხების იდენტიფიცირებაზე, რეფორმების მიზნების დადგენაზე, შემოთავაზებული რეგულაციების სოციალური და ეკონომიკური გავლენის შეფასებაზე.
ასოციაციის თავმჯდომარე შორენა კოპალეიშვილი და მთავარი ფინანსისტი ბექა შუკაკიძე დაესწრნენ ტრენინგს, რათა მიეღოთ ინფორმაცია და მნიშვნელოვანი ცოდნა RIA-ს პროცესზე. RIA მნიშვნელოვანია იმ თვალსაზრისით,რომ მომავალში შექმნილი რეგულაციები შესაბამისობაში იყოს ჩვენი სექტორის განსაკუთრებულ საჭიროებებთან, განსაკუთრებით ისეთ სფეროებში, როგორიცაა საგადასახადო პოლიტიკა, რომელიც პირდაპირ აისახება ბიზნესის მდგრადობაზე, და IT კანონმდებლობა, რომელიც უზრუნველყოფს ინდუსტრიის განვითარების პროცესს. RIA-ს პროცესის სიღრმისეული ცოდნა ასოციაციას საშუალებას აძლევს აქტიურად მონაწილეობდეს რეგულაციური პოლიტიკის განხილვებში, დაიცვას ჩვენი ინდუსტრიის ინტერესები და ეფექტურად ითანამშრომლოს როგორც სახელმწიფო, ისე კერძო დაინტერესებულ მხარეებთან, რათა უზრუნველყოფილ იქნას რეგულირებადი ბიზნეს გარემო.
ღონისძიებას ესწრებოდნენ ოცამდე დიდი და სექტორული ასოციაციების წარმომადგენლები, რაც ხაზს უსვამს ინდუსტრიული სტანდარტების გაძლიერების მიმართულებით ერთობლივ ძალისხმევას.
