კიდევ ერთი საგადასახადო ჯარიმა: გრძელდება თუ არა საგადასახადო აუდიტი ვირტუალური ზონის კომპანიების მიმართ

წინა სტატიაში  ჩვენ გაგიზიარეთ ისტორია, სადაც ასოციაციის დახმარებით  წარმატებით გაუქმდა უსამართლოდ დაკისრებული გადასახადები. თუმცა, საგადასახადო აუდიტი არ არის ერთჯერადი მოვლენა. ის გრძელდება უწყვეტ რეჟიმში, რაც დამატებით რისკებს უქმნის ვირტუალური ზონის კომპანიებს. განვიხილოთ ერთ ერთი ბოლო შემთხვევა, რომელიც 2025 წლის 20 თებერვალით თარიღდება.

საგადასახადო დავაში მონაწილე მხარეები:

მოსარჩელე: შპს „—“ (დამფუძნებელი – ესტონეთის რეზიდენტი).

მოპასუხე: აუდიტის დეპარტამენტი.

კომპანია დაჯარიმდა 94 127,51 ლარით: საგადასახადო დავის დეტალები

2025 წლის 20 თებერვალს, აუდიტის დეპარტამენტის მიერ ჩატარებული კამერალური საგადასახადო შემოწმების შედეგად, ვირტუალური ზონის კომპანიისთვის მოხდა გადასახადების ხელახალი შეფასება. აუდიტი მოიცავდა 2020 წლის 1 იანვრიდან 2023 წლის 1 თებერვლამდე პერიოდს და მიღებული თანხა შეადგენს 94 127.51 ლარს, მათ შორის:

საშემოსავალო  გადასახადი: 43 793 ლარი

ჯარიმა: 24 463 ლარი

საურავიი: 25 871,51 ლარი

დაჯარიმების ძირითადი მიზეზები:

• თანამშრომლების ან ქვეკონტრაქტორების არარსებობა: კომპანია დაჯარიმდა თანამშრომლების სიმცირის გამო, მიუხედავად მისი ბიზნეს მოდელის თავისებურებებისა.

• დამფუძნებლის რეზიდენტობის სტატუსი: კომპანიის დამფუძნებელი აუდიტის პერიოდში არ იყო საქართველოს რეზიდენტი.

• ხელფასის გადახდის ჩანაწერის არარსებობა: აუდიტორებმა რეტროსპექტულად  დაუნიშნეს ხელფასი დამფუძნებელს და მოითხოვეს შესაბამისი გადასახადის გადახდა.

• პროგრამული პროდუქტის კლასიფიკაცია: აუდიტორებმა დაადგინეს, რომ თუ დამფუძნებელი პირი არ არის საქართველოს რეზიდენტი, ვირტუალური ზონის პირის მოგების გადასახადით დაბეგვრის თაობაზე მეთოდური მითითების შესაბამისად, პროგრამული უზრუნველყოფის პროდუქტი საქართველოში შექმნილად  ვერ ჩაითვლება.

კომპანია აპროტესტებს საგადასახადო ორგანოს გადაწყვეტილებას საქართველოს საგადასახადო კოდექსის და ორმაგი დაბეგვრის თავიდან აცილების საერთაშორისო ხელშეკრულების დარღვევის მოტივით.

კომპანიის ფინანსური შედეგი:

სანამ გასაჩივრების პროცესი გრძელდება, დაწესებული ჯარიმები აღემატება კომპანიის გაუნაწილებელ მოგებას, რაც იწვევს საქმიანობის გაგრძელების შეუძლებლობას. 

კომპანია იძულებულია შეაჩეროს საქმიანობა, შეწყვიტოს ახალი პროექტების განხორციელება და უარი თქვას გაფართოების გეგმებზე.

H2 რას ნიშნავს ეს ვირტუალური ზონის ბიზნესისთვის?

აღნიშნული შემთხვევა კიდევ ერთხელ ადასტურებს, რომ საგადასახადო აუდიტი არ შეჩერებულა და ვირტუალური ზონის კომპანიებისთვის მნიშვნელოვან რისკს წარმოადგენს. ვირტუალური ზონა მკაცრი აუდიტორული კონტროლის ქვეშ რჩება, ხოლო გადასახადების რეტროსპექტულად დაკისრება რეალობად.

ასოციაცია კვლავაც იცავს თავისი წევრების უფლებებს, ხელს უწყობს საგადასახადო პოლიტიკის გამჭვირვალობას და იცავს მათ დაუსაბუთებელი მოთხოვნებისგან.

ჩვენ ვუზრუნველყოფთ სამართლებრივ მხარდაჭერასა და კონსულტაციას, რათა მინიმუმამდე დავიყვანოთ საგადასახადო რისკები ჩვენი წევრებისთვის. თუ ჯერ კიდევ არ ხარ ჩვენი წევრი — შემოგვიერთდით დღესვე!

ასოციაციის მხარდაჭერა რესურსებს მოითხოვს — თქვენი წვლილი გვეხმარება ვირტუალური ზონის ბიზნესის დაცვაში. თქვენი მხარდაჭერა არის ინვესტიცია საქართველოში IT კომპანიებისთვის გამჭვირვალე და სტაბილური გარემოს შექმნაში.

💡 მხარი დაგვიჭირეთ – ჩადეთ ინვესტიცია IT სექტორის მომავალში!