მთავარი მოვლენები
ჩვენ შესახებ
საქართველოს ვირტუალური ზონის პირთა ასოციაცია დაარსდა 2022 წლის თებერვალში, როგორც დამოუკიდებელი არაკომერციული ორგანიზაცია, რომელიც აერთიანებს საქართველოში ვირტუალური ზონის პირის (VZP) სტატუსით მოქმედ IT კომპანიებს.
ჩვენი მიზანი
ჩვენი მიზანია ვირტუალური ზონის კომპანიების ინტერესების დაცვა, წარმოდგენა და მხარდაჭერა, რათა საქართველოში IT ბიზნესისთვის შეიქმნას გამჭვირვალე, პროგნოზირებადი და კონკურენტუნარიანი გარემო.
რას ვაკეთებთ პრაქტიკაში:
ვიცავთ და წარმოვადგენთ ვირტუალური ზონის კომპანიების ინტერესებს სახელმწიფო უწყებებთან.
ვთავაზობთ პრაქტიკულ მხარდაჭერას საგადასახადო, სამართლებრივ და მარეგულირებელ საკითხებში.
ვაორგანიზებთ ექსპერტულ ვებინარებს, დახურულ შეხვედრებსა და ინდივიდუალურ კონსულტაციებს.
ხელს ვუწყობთ IT სერვისების ექსპორტს და ვამყარებთ საქართველოს, როგორც მიმზიდველი იურისდიქციის სტატუსს.
ვქმნით პროფესიულ გაერთიანებას, სადაც ბიზნესი ცვლის გამოცდილებას და საერთო გამოწვევებს ერთად უმკლავდება.
ჩვენი ხედვა
ჩვენ ვქმნით გარემოს, სადაც ვირტუალური ზონის კომპანიები მაქსიმალური ნდობისა და მკაფიო წესების პირობებში საქმიანობენ და აქვთ ძალა, თავად მოახდინონ გავლენა საკუთარ ბიზნესგარემოზე.
ჩვენ გვწამს, რომ ძლიერი, ერთიანი და აქტიური ასოციაცია საქართველოს IT სექტორის გრძელვადიანი წარმატების საწინდარია.
ჩვენი ნაბიჯები
ასოციაციამ უკვე დაამტკიცა თავისი ეფექტურობა ხელშესახები შედეგებით:
საგადასახადო დავების წარმატებით დასრულება: საგადასახადო ორგანოს გადაწყვეტილებების გასაჩივრებით ასოციაციამ ასობით ათასი ლარის ოდენობის ჯარიმების შემცირებასა თუ სრულ გაუქმებას მიაღწია.
საკვანძო განმარტებების მოპოვება: უზრუნველყოფილია ძირითადი მარეგულირებელი და საგადასახადო საკითხების მკაფიო განმარტებების მიღება.
აქტიური დიალოგი და ადვოკატირება: დამყარებულია კონსტრუქციული თანამშრომლობა სამთავრობო ინსტიტუტებთან, სადაც ასოციაცია მტკიცედ იცავს ბიზნესსაზოგადოების ინტერესებს.
დღეს ასოციაცია:
აქტიურად თანამშრომლობს სახელმწიფო უწყებებთან ვირტუალური ზონის რეგულირების დასახვეწად.
უზრუნველყოფს კომპანიების წვდომას რელევანტურ ინფორმაციასა და ექსპერტულ მხარდაჭერაზე.
აყალიბებს პროფესიულ გაერთიანებას, სადაც წევრებს სამუშაო ჯგუფებსა და დარგობრივ დისკუსიებში მონაწილეობის შესაძლებლობა აქვთ.
ასოციაციის წევრობა უზრუნველყოფს:
მონაწილეობას საკანონმდებლო ინიციატივების შემუშავებასა და ინდუსტრიის განვითარებაში;
მაღალკვალიფიციურ სამართლებრივ და ექსპერტულ მხარდაჭერას;
წვდომას პროფესიულ წრეებზე, დარგობრივ ღონისძიებებსა და საქმიანი კავშირების გაფართოების საშუალებებზე;
ბიზნესის ცნობადობის გაზრდისა და გაფართოების დამატებით მექანიზმებს.
შემდეგი ნაბიჯები:
რეალურ ბიზნეს-ქეისებზე დაყრდნობით, ახალი საკანონმდებლო ინიციატივების შემუშავება და ადვოკატირება.
კომპანიების მხარდაჭერა და მათი უფლებების დაცვა მუდმივად ცვალებადი კანონმდებლობის პირობებში.
გლობალური პარტნიორობების გაფართოება და ქართული IT ბიზნესისთვის ახალი შესაძლებლობების შექმნა.
