ინტელექტუალური კაპიტალის გადინების რისკი საქართველოში: შორენა კოპალეიშვილი IT სექტორის გამოწვევებს განიხილავს გადაცემაში „საქმიანი დილა“
დეკემბერი 27, 2024შორენა კოპალეიშვილის შეფასება IT სექტორში მიმდინარე ტენდენციების შესახებ „კომერსანტთან“ ინტერვიუში
იანვარი 16, 2025
2024 წელს საქართველოს ვირტუალური ზონის პირთა ასოციაციამ აქტიურად იმუშავა ვირტუალური ზონის კომპანიების სამუშო გარემოს გაძლიერებაზე, ეკონომიკური წვლილის ზრდაზე და საერთაშორისო ურთიერთობების გაღრმავებაზე. ჩვენი სექტორის წვლილმა საქართველოს ეკონომიკაში ახალ მაშტაბებს მიაღწია, 2024 წლის მხოლოდ 10 თვეში გადახდილმა გადასახადებმა 85,4 მილიონი ლარი შეადგინა, რაც ხაზს უსვამს ვირტუალური ზონის სექტორის მზარდ გავლენას საქართველოს ეკონომიკაზე.
ასევე მნიშვნელოვანი იყო ჩვენი საერთაშორისო თანამშრომლობა. 2024 წელს ასოციაცია აქტიურად მონაწილეობდა მნიშვნელოვან ღონისძიებებში, როგორიცაა EU4Digital ICT ინოვაციების ფორუმი, მონაწიოლება მიიღო ევროკავშირისა და აშშ-ს ელჩებთან ექსკლუზიურ ღონისძიებებში და წვლილი შეიტანა მნიშვნელოვან დისკუსიებში მარეგულირებელ საკითხებზე. ამ ძალისხმევამ გააძლიერა საქართველოს, როგორც მზარდი IT ცენტრის პოზიცია და ხელი შეუწყო ინოვაციებისა და განვითარებისთვის უფრო ხელსაყრელი კლიმატის შექმნას.
2025 წელს ჩვენ გავაგრძელებთ ნიჭიერი ადამიანების აღმოჩენას, საერთაშორისო გაფართოებას და ახალი კანონების მხარდაჭერას, რაც ჩვენს წევრებს – ვირტუალურ კომპანიებს – დაეხმარება. ამასთან, გავაგრძელებთ ქალების დახმარებას ტექნოლოგიურ სფეროში, შევქმნით კონკურენტუნარიან გარემოს ბიზნესებისთვის და გავაძლიერებთ საქართველოს პოზიციას მსოფლიო ციფრულ ბაზარზე.
ამ მიღწევებისა და სამომავლო მიზნების ხაზგასასმელად, ჩვენ მოვამზადეთ დეტალური პრეზენტაცია, რომელიც მოიცავს 2024 წლის მნიშვნელოვან მოვლენებსა და ჩვენს სტრატეგიულ მიმართულებებს 2025 წლისთვის. მეტი ინფორმაციისთვის შეგიძლიათ გაეცნოთ სრულ პრეზენტაციას.
