შორენა კოპალეიშვილის შეფასება IT სექტორში მიმდინარე ტენდენციების შესახებ „კომერსანტთან“ ინტერვიუში

„საქართველოს ვირტუალური ზონის პირთა ასოციაციის“ თავმჯდომარემ, შორენა კოპალეიშვილმა, „კომერსანტთან“ ინტერვიუში მიმოიხილა IT სექტორში მიმდინარე ტენდენციები. მისი შეფასებით, 2023 წელი სექტორისთვის განსაკუთრებით აქტიური და წარმატებული იყო, რასაც ხელს უწყობდა საშეღავათო რეჟიმები, გეო პოლიტიკური პროცესები რეგიონში და მეტ ნაკლებად სტაბილური ბიზნესგარემო ქვეყანაში.

თუმცა, 2024 წელს მდგომარეობა შეიცვალა. არასტაბილურმა პოლიტიკურ-ეკონომიკურმა ვითარებამ  და გაურკვევლობამ შეანელა  სექტორის ზრდა. შორენა კოპალეიშვილმა აღნიშნა, რომ არაერთი კომპანია ამჟამად განიხილავს სხვა ქვეყნებში რელოკაციას, ეძებენ სხვა ტერიტორიებს, რომლებიც ასევე სთავაზობენ საინტერესო საშეღავათო საგადასახადი რეჟიმებს, რომელიც მიმართულია აიტი ტექნოლოგიების შექმნისკენ და განვითარებისკენ, მათ ქვეყანაში ინოვიაციების შემოტანისკენ, ასევე ტექნოლოგიუირი კვლევების და განვითრების სფეროში საქმიანობისკენ. მისი თქმით ამ მიმართულებით საინტერესოდ პოზიციონირებს სლოვაკეთი და სომხეთი, სადაც უკეთესი პირობების შექმნაზე აქტიურად მუშაობენ, რათა მეტი კომპანია მოიზიდონ.

მიუხედავად არსებული გამოწვევებისა, ასოციაციის თავმჯდომარე ხაზგასმით აღნიშნავს, რომ მხოლოდ საშეღავათო რეჟიმები არ არის საკმარისი. ბიზნესის შენარჩუნებისა და ახალი ინვესტორების მოზიდვისთვის აუცილებელია სტაბილური და პროგნოზირებადი გარემოს უზრუნველყოფა.

ამ ინტერვიუმ კიდევ ერთხელ გაუსვა ხაზი IT სექტორის განვითარების მნიშვნელობას და აუცილებლობას, რაც განპირობებულია სახელმწიფოსა და ბიზნესის ერთობლივი ძალისხმევით.

წყარო