ასოციაცია და EBA მიმართავენ საქართველოს ფინანსთა მინისტრს

საქართველოს ვირტუალური ზონის პირთა ასოციაცია მუდმივ რეჟიმში თანამშრომლობს სამთავრობო უწყებებთან და ბიზნეს საზოგადოების ყველაზე ავტორიტეტულ წარმომადგენლობებთან, როგორიცაა ევროპული ბიზნეს ასოციაცია (EBA).

EBA 100-ზე მეტ ქართულ და ევროპულ კომპანიას აერთიანებს. ორგანიზაციის ხედვაა, რომ საქართველოში ბიზნესის წარმოების პრინციპი იყოს ისეთივე, როგორც ევროპაში.

EBA-მ და საქართველოს ვირტუალური ზონის პირთა ასოციაციამ მიმართეს საქართველოს ფინანსთა მინისტრს, ბატონ ლაშა ხუციშვილს. 

Ჩვენ გვსურს მისი ყურადღება მივიპყორთ ერთ-ერთ პრობლემურ საკითხთან დაკავშირებით, რომელსაც აწყდება ვირტუალური ზონის პირის (VZP) სტატუსის მქონე IT კომპანიები საქართველოში შემოსავლების სამსახურის ბოლო პერიოდის ქმედებებიდან გამომდინარე, რაც გულისხმობს საქართველოში მოქმედი VZP სტატუსის მქონე ასობითIT კომპანიის დაჯარიმებას.

როგორც უკვე ცნობილია, კომპანიები, რომლებიც ოდესღაც ამაყობდნენ, რომ მუშაობდნენ საქართველოში, ახლა შემოსავლების სამსახურის მიერ ჯარიმდებიან. ამით საქართველო არ აგზავნის პოზიტიურ სიგნალს ფართო საერთაშორისო IT სექტორის მიმართ, რომელმაც შესაძლოა სამომავლოდ ინვესტიციები განახორციელოს ქართულ IT სფეროში. არცერთი ინვესტორი არ უარყოფს, რომ რომელიმე სუბიექტმა უნდა გადაიხადოს გადასახადები უპირობოდ და არც ერთი მათგანი თავს არ არიდებს ამას. თუმცა ეს მხოლოდ მაშინ, როცა კანონით ნათლად, სამართლიანად და მკაფიო კრიტერიუმებით არის დადგენილი, და არა უკუქცევითი ძალით, როგორც ეს ხდება VZP-ის სტატუსის მქონე კომპანიებთან მიმართებაში. სამწუხაროდ, ფინანსთა სამინისტროს ყველა ინსტანციაში საქმის წარმოება წყდება ბიზნესის საზიანოდ. 

ყველა სირთულის გათვალისწინებით, ასოციაცია პარტნიორებთან ერთად დასაბუთებული არგუმენტებით მკაფიო სიგნალს უგზავნის საქართველოს მთავრობას. ევროპელი პარტნიორები მხარს უჭერენ ყველა ამ არგუმენტს დაამასთანავე, არ მალავენ უკმაყოფილებას ამ თემასთან დაკავშირებით.

ასოციაციის ევროპელი პარტნიორები ყველაფერს აკეთებენ კომპანიებთან მიმართებაში სამართლიანობის მისაღწევად. შესაბამისად, ასოციაციები გამოხატავენ მზადყოფნას, ერთობლივი დიალოგისა და თანამშრომლობის გზით მიიღონ აქტიური მონაწილეობა ბიზნეს სექტორის წინაშე არსებული გამოწვევების დაძლევის პროცესების განვითარებაში.

საქართველოს ფინანსთა მინისტრის, ბატონი ლაშა ხუციშვილისადმი წარდგენილი ოფიციალური წერილი შეგიძლიათ იხილოთ ამ ბმულზე.