ასოციაცია გაეროს გლობალური შეთანხმების საქართველოს ქსელის მიერ ორგანიზებულ შეხვედრაზე

17 სექტემბერს საქართველოს ვირტუალური ზონის პირთა ასოციაციამ მონაწილეობა მიიღო გაეროს გლობალური შეთანხმების საქართველოს ქსელის მიერ ორგანიზებულ შეხვედრაში, რომელიც მიეძღვნა ევროკავშირის მონაცემთა დაცვის ზოგადი რეგულაციისა (GDPR) და პერსონალურ მონაცემთა დაცვის შესახებ საქართველოს კანონმდებლობის განხილვას. შეხვედრას უძღვებოდა პერსონალური მონაცემების დაცვის, ხელოვნური ინტელექტისა და ადამიანის უფლებების საკითხებში ექსპერტი – საბა ელიზბარაშვილი.

შეხვედრაზე განხილული იყო ისეთი მნიშვნელოვანი საკითხები როგორიცაა: პერსონალურ მონაცემთა დაცვის კანონმდებლობა, საკანონმდებლო სიახლეები, მონაცემთა დამუშავების პრინციპები და საფუძვლები, მონაცემთა სუბიექტა უფლებები, პორსონალური მონაცემების გამოყენება თანამედროვე საინფორმაციო ტექნოლოგიებში, მონაცემების საერთაშორისო გადაცემა, პერსონალური მონაცემები და ხელოვნური ინტელექტი, ინფორმაციის აღრიცვა და სხვა.

ასოციაციის თავმჯდომარეს, შორენა კოპალეიშვილს შესაძლებლობა ქონდა დაესვა არაერთი მნიშვნელოვანი კითხვა, რაც ასოციაციის წევრების მხრიდან იყო შემოსული. პასუხებს ადრესატები უმოკლეს დროში მიიღებენ.

ღონისძიებას 50-მდე ორგანიზაციის წარმომადგენელი ესწრებოდა.

ფოტო მასალა ეკუთვნის გაეროს გლობალური შეთანხმების საქართველოს ქსელს