ასოციაციის თავმჯდომარე ევროკავშირისა და აშშ-ის ელჩებთან შეხვედრას დაესწრო

2024 წლის 26 სექტემბერს, საქართველოს ვირტუალური ზონის პირთა ასოციაციის თავმჯდომარეს, შორენა კოპალეიშვილს შესაძლებლობა ჰქონდა დასწრებოდა ევროპული ბიზნეს ასოციაციის (EBA) მიერ გამართულ ექსკლუზიურ ლანჩს Tbilisi Hills Golf Resort-ში. ღონისძიებას ესწრებოდნენ საქართველოში ევროკავშირის ელჩი, ბ-ნი პაველ ჰერჩინსკი და საქართველოში აშშ-ს ელჩი, ქ-ნი რობინ დანიგანი, აგრეთვე ბიზნეს საზოგადოების სხვა გამორჩეული წარმომადგენლები.

სადილი მნიშვნელოვან პლატფორმას წარმოადგენდა ელჩებთან ურთიერთობის გაღრმავებისთვის მეგობრულ ატმოსფეროში. მონაწილეები ჩაერთნენ აქტიურ დისკუსიებში სხვადასხვა თემებზე, მათ შორის ეკონომიკური თანამშრომლობის, ღირებული კავშირების გაძლიერების და შესაძლო პარტნიორობის გზების განხილვის შესახებ. ღონისძიებამ ასევე ასოციაციას მისცა შესაძლებლობა წარედგინა საქართველოს მზარდი IT სექტორი და გაესვა ხაზი მის მნიშვნელობას ქვეყნის ციფრულ ეკონომიკაში.

ჩვენ გულწრფელად ვუხდით მადლობას ევროპულ ბიზნეს ასოციაციას ამ მნიშვნელოვანი ღონისძიების ორგანიზებისთვის და ელჩებს მათი თანამშრომლობისა და საქართველოს ევროპული ბიზნეს საზოგადოების მხარდაჭერისთვის. ეს შესაძლებლობა, ინფორმაციისა და გამოცდილების გაცვლის გზით, კიდევ უფრო აძლიერებს მომავალში თანამშრომლობის საფუძვლებს და  ჩვენი ინდუსტრიის როლს ქვეყნის განვითარებაში.

ფოტოს ავტორი: EBA