2022 წლის 21 ივნისს, ევროპული ბიზნეს ასოციაციის (EBA) ორგანიზებით და ევროკავშირის მხარდაჭერით, პირველად გაიმართა „ევროკავშირი-საქართველოს ბიზნეს ფორუმი 2022“.
ფორუმს 300-ზე მეტი მონაწილე ესწრებოდა, მათ შორის ევროკავშირის ელჩი საქართველოში კარლ ჰარცელი, ასევე საქართველოს პარლამენტის, მთავრობის, ბიზნესის მხარდამჭერი ორგანიზაციების, სხვა და სხვა სექტორული ბიზნესის, საერთაშორისო საფინანსო ინსტიტუტების, დიპლომატიური კორპუსისა და საერთაშორისო ორგანიზაციების წარმომადგენლები.
საქართველოს ვირტუალური ზონის პირთა ასოციაცია მოწვეული და წარმოდგენილი იყო, როგორც ევროპული ბიზნეს ასოციაციის პარტნიორი.
ფორუმზე გაიმართა ევროპული ბიზნეს გარემოს 2022 წლის კვლევის ანგარიშის პრეზენტაცია, რომელიც მომზადებული იყო ევროპული ბიზნეს ასოციაციის მიერ.
ევროპული ბიზნეს ასოციაციამ აუდიტორიას წარუდგინა ევროპული ეკონომიკური თანამშრომლობის პლატფორმის (EECP) კონცეფცია, როგორც უნიკალური მექანიზმი ბიზნეს სექტორის გაერთიანებებს შორის თანამშრომლობის გასაძლიერებლად. ჩვენი ასოციაცია გახდა ევროპული ეკონომიკური თანამშრომლობის პლატფორმის წევრი: https://eecp.ge/members/
ასოციაციის თავმჯდომარემ, შორენა კოპალეიშვილმა ისარგებლა შემთხვევით და გაესაუბრა სამთავრობო და ბიზნეს ორგანიზაციების წარმომადგენლებს და კიდევ ერთხელ ხაზი გაუსვა VZP კომპანიების წინაშე არსებულ გამოწვევებს.
ევროკავშირი-საქართველოს ბიზნეს ფორუმი გაიმართა ევროპული ბიზნეს ასოციაციის მიერ ევროკავშირის მხარდაჭერილი პროექტის „ევროპული ბიზნესისა და ეკონომიკური ინტერესების ხელშეწყობა საქართველოში“ ფარგლებში.
ფოტოები მოწოდებულია ევროპული ბიზნეს ასოციაციის მიერ.
