„Forbes კვირა“ გიორგი ისაკაძესთან ერთად ვირტუალური ზონის სტატუსის კომპანიების წინაშე არსებული გამოწვევების შესახებ
„Forbes კვირა“ გიორგი ისაკაძესთან ერთად ვირტუალური ზონის სტატუსის კომპანიების წინაშე არსებული გამოწვევების შესახებ
ვირტულაური ზონის სტატუსის მქონე კომპანიების მიმართ შემოსავლების სამსახურის არასამართლიანი ქმედებები გაშუქდა გადაცემაში „Forbes კვირა“, სადაც მოწვეული იყო საქართველოს ვირტუალური ზონის პირთა ასოციაციის თავმჯდომარე, შორენა კოპალეიშვილი.
მოგახსენებთ, რომ გასული 10 წლის განმავლობაში საქართველოში ვირტუალური ზონის სტატუსით ათასზე მეტი იურიდიული პირი დარეგისტრირდა. საგადასახადო პრაქტიკის მიხედვით კომპანიებს არ მოეთხოვებოდათ უშუალოდ საქართველოში დასაქმებულთა ყოლა და საქართველოს ტერიტორიიდან მომსახურების გაწევა. თუმცა 2021 წლიდან შემოსავლების სამსახურმა საკუთარი საგადასახადო პრაქტიკა რადიკალურად შეცვალა – კომპანიები დაჯარიმდნენ და წინა წლებში მიღებულ შემოსავლებზე გადასახადის გადახდაც დაეკისრათ.
ასოციაციაში შემოსული საქმეების მიხედვით ჯარიმების თანხა 4-5 მლნ ლარს აღემატება.
საქართველოს ვირტუალური ზონის პირთა ასოციაციის თავმჯდომარე შორენა კოპალეიშვილი აღნიშნავს, რომ თავდაპირველად „ამ კანონის მიღების მიზანი იყო ინვესტორების მოზიდვა. ეს ასეც მოხდა, მოვიზიდეთ ინვესტორები, თუმცა ახლა მათი შენარჩუნება ჭირს.“
ვირტუალური ზონის პირთა ასოციაცია აქტიურად თანამშრომლობს სხვა და სხვა უწყებასა და ასოციაციასთან ამ საკითხის მოგვარებისთვის, მათ შორის ბიზნეს ომბუდსმენთანაც. ევროპული ბიზნეს ასოციაციაც ინფორმირებულია ამ პრობლემის შესახებ.
შორენა კოპალეიშვილის თქმით, ვირტუალური ზონის პირთა ასოციაცია გეგმავს დამატებითი შეხვედრების ორგანიზებას. მათი მთავარი მიზანია სახელმწიფოსთან დიალოგის დამყარება და წარსულში დარიცხული ჯარიმების გაუქმების მიღწევა.
