Grant Thornton Georgia-მ და EBA-მ (ევროპული ბიზნეს ასოციაცია) უმასპინძლეს საჯარო-კერძო დიალოგს, საქართველოში პერსონალური მონაცემების დაცვის ახალი სამართლებრივი რეგულაციის შესახებ. ეს ღონისძიება ეხებოდა პერსონალურ მონაცემთა დაცვის შესახებ ახლახან მიღებულ კანონს, რომელიც ძალაში შევიდა 2024 წლის 1 მარტს.

ღონისძიებას ესწრებოდა საქართველოს ვირტუალური ზონის პირთა ასოციაციის თავმჯდომარე, შორენა კოპალეიშვილი.

საქართველოს პარლამენტმა მიიღო ახალი კანონი პერსონალურ მონაცემთა დაცვის შესახებ, რომლის მიზანია ევროკავშირის სტანდარტებთან შესაბამისობა და მონაცემთა სუბიექტების უფლებების გაძლიერება. იგი განსაზღვრავს მონაცემთა ფართოდ დამუშავებას, რომელიც მოიცავს პერსონალური მონაცემების შეგროვებას, შენახვას, გაზიარებას და წაშლას. ყველა ორგანიზაცია, რომელიც ამუშავებს პერსონალურ მონაცემებს, უნდა შეესაბამებოდეს ახალი კანონით განსაზღვრულ მოთხოვნებს. ინფორმაციული ტექნოლოგიების კომპანიები ამუშავებენ პერსონალურ მონაცემებს, რის გამოც ამ კანონის გაგება და დაცვა მათი მხრიდან უმნიშვნელოვანესია. ახალი კანონი წარმოადგენს საქართველოს მონაცემთა დაცვის რეგულაციების ევროკავშირის სტანდარტებთან შესაბამისობისკენ გადადგმულ უმნიშვნელოვანეს ნაბიჯს.

მონაწილეები: ჯონ ბრაეკეველდტი, ევროპული ბიზნეს ასოციაციის პრეზიდენტი; პაატა შურღაია, Grant Thornton-ის თანამმართველი პარტნიორი; ნინო ჯოლია, Grant Thornton-ის იურიდიული დეპარტამენტის ხელმძღვანელი; ნინო ყველაიძე, ადვოკატი, Grant Thornton; კახაბერ გოშაძე, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის წამყვანი სპეციალისტი; შავლეგ თოდუა, პერსონალურ მონაცემთა დაცვის სამსახურის იურიდიული დეპარტამენტის უფროსი და ბიზნეს სექტორის წარმომადგენლები. 

ღონისძიება დასრულდა საინტერესო კითხვა-პასუხის სესიით, რომელმაც მონაწილეებს შესაძლებლობა მისაცა პირდაპირ მიეღოთ განმარტებები სახელმწიფო სტრუქტურების წარმომადგენლებისგან. აღსანიშნავია, რომ IT პროფესიონალებს საშუალება ჰქონდათ ღონისძიების მსვლელობის დროს გაეგზავნათ შეკითხვები საქართველოს ვირტუალური ზონის პირთა ასოციაციის ტელეგრამ არხის მეშვეობით, რომლებსაც   შ ორენა კოპალეიშვილი შეხვედრაზე გააჟღერებდა.

გვინდა მადლობა გადავუხადოთ ორგანიზატორებს ამ მნიშვნელოვანი და საინტერესო საჯარო და კერძო დიალოგისთვის.

დამატებითი სიახლეებისა და დისკუსიებისთვის, გამოიწერეთ ჩვენი Telegram არხი

კონტაქტი:

ნებისმიერი კითხვის შემთხვევაში შეგიძლიათ დაგვიკავშირდეთ: info@viz.ge.