შეხვედრა ბიზნესომბუდსმენთან და მზადყოფნა გასაჩივრებისთვის

18 მაისს საქართველოს ვირტუალური ზონის ასოციაციის თავმჯდომარე შორენა კოპალეიშვილი ბიზნესომბუდსმენის მოადგილეს ნინო კვეტენაძეს და აპარატის სხვა წევრებს შეხვდა. მათ განიხილეს აქტუალური საკითხები. შორენა კოპალეიშვილმა აცნობა ბიზნესომბუდსმენის მოადგილეს ვირტუალური ზონის სტატუსის მქონე კომპანიების ირგვლივ შექმნილი კრიტიკული ვითარების შესახებ. მან მიაწოდა ომბუდსმენს საგადასახადო ორგანოების უკანონო და არაკეთილსინდისიერი გადაწყვეტილებების დამადასტურებელი მასალები.

შეხვედრაზე ასოციაციამ წამოაყენა სამი ძირითადი საკითხი, რომელიც უმოკლეს დროში უნდა გადაწყდეს და განიხილოს საქართველოს მთავრობასთან.

ესენია:

1. ჯარიმების გაუქმება;
2. საკანონმდებლო ინიციატივის აუცილებლობა, რათა კანონი არ დარჩეს გაურკვეველი;
3. IT კომპანიებისთვის მკაფიო კრიტერიუმების განსაზღვრა.

საბოლოოდ ბიზნესომბუდსმენი სამივე პუნქტზე სრულად დაეთანხმა ასოციაციის თავმჯდომარის პოზიციას და ომბუდსმენის აპარატი მზადაა მიმართოს მთავრობას და გამოიკვლიოს  ასოციაციის წევრების ინტერესები. გარდა ამისა, ომბუდსმენმა უნდა მიიღოს კონკრეტული ქეისები, რათა დაიწყოს პრემიერის აპარატთან კომუნიკაციის პროცესი.