სხვა და სხვა ორგანიზაციის წარმომადგენლის შეფასება ვირტუალური ზონის სტატუსის მქონე კომპანიების პრობლემების შესახებ

IT კომპანიები ეხმაურებიან შემოსავლების სამსახურის მიერ მიღებულ გადაწყვეტილებას, რომლის თანახმადაც მათ 2018 წლიდან მოყოლებული დარიცხული მოგების გადასახადის გადახდა დაევალათ. მათი აზრით, უწყებამ 10 წლის შემდეგ არსებული კანონის ინტერპრეტაცია ბიზნესის საწინააღმდეგოდ მოახდინა. ორი წელი გავიდა და პრობლემა კვლავ აქტუალურია. სახელმწიფო ამ პრობლემას არ წყვეტს.

სამწუხაროდ, სახელმწიფოს წარმომადგენლები მიიჩნევენ, რომ ყველაფერი კანონის სრული დაცვით ხდება. რაც შეეხება საინვესტიციო იმიჯის გაფუჭებას, მათი თქმით, დღეს ქვეყანას FDI მოზიდვის ისტორიული მაქსიმუმი აქვს, რაც საქართველოსთან მიმართებით ინვესტორების დამოკიდებულების მთავარი ინდიკატორია. ასევე აღნიშნავენ, რომ საკითხი დავების საბჭოში განიხილება ისე, რომ მხარეთა ინტერესები არ დაზარალდეს.

„Forbes კვირასთან“ საუბრისას ევროპული ბიზნეს ასოციაციის თავმჯდომარეს თქმით, ეს გადაწყვეტილება საინვესტიციო გარემოს მნიშვნელოვან ზიანს აყენებს. სახელმწიფო მსგავს გადაწყვეტილებებს ბიზნეს სექტორის ინფორმირების გარეშე იღებს, რაც აზიანებს საქართველოს საინვესტიციო გარემოს.

საქართველოს ვირტუალური ზონის პირთა ასოციაციის შეფასებით, ყოველი ვირტუალური ზონის სტატუსის მქონე კომპანია საგადასახადო წნეხს განიცდის. შორენა კოპალეიშვილი იმედოვნებს, რომ სახელმწიფო უწყებებს შორის არსებული წრე გაირღვევა და სექტორი უწყებასთან დაიწყებს მოლაპარაკებებს პრობლემის გადაჭრის გზების მოსაძებნად.